Oolmaa ispoortii magaalichaa babal’isuuf proojaktii haaraan ifoomufi
Itti aanaa kantiibaa magaalaa Finfinnee Injiinar Taakkalaa Uuman oolmaawwan ispoortii magaalaa Finfinnee keessa jiran daawwatan.
Istaadiyamii Abbabaa Biqilaa ijaarsarra jiru, Oolmaa Ispoortii Raas Hayluu fi giddugaloota ispoortii biroo daawwataniiru.
Daawwicharratti ministirri Ministeera Aadaa fi Tuuriizimii Dooktar Hiiruut Kaasaawii fi qondaaltonni biroo argamaniiru.
Injiinar Taakkalaan oolmaa dargaggootaa fi ispoortii magaalichaa jajjabeessuu fi babal’isuun hojii bulchiinsa magaalichaa isa adda dureedha jedhan.
Rakkoo gama kanaan muul’atu furuuf proojaktiin dhiyeenyatti ifoomu jiraachuu eeraniiru.