Burraayyutti rakkoo mudateen kan to’ataman 200 guutan
Burraayyutti namoonni ajjeechaa fi qabeenya barbadeessudhaan shakkaman 200 guutuu Koomiishiniin Poolisii Oromiyaa beeksise.
Koomiishinar Alamaayyahu Ijjiguun ibsa Faanaa Broodkaastiing Koorporeetif laataniin akka beeksisanitti, namoonni shakkaman eeruu ummataatin to’atamaniiru.
Koomiishinarichi kaleessaa fi har’a naannoo Burraayyuu fi Kattaatti tuttuqqiin walitti bu’iinsaa akka hin jiraatin eeraniiru.
Namoonni amma ammaatti lubbuun isaanii darbe 23 ta’uu eeranii, lakkoofsi miidhamtootaa dabaluu akka danda’us himaniiru.
Humni nageenyaa dabalataa bobbaafamuu himanii, qabeenyi saamames deebisiifamaa jiraachuu ibsaniiru.
Amma tasgabbaa’aa akka jiru kaasanii, namoonni buqqa’an gara qayee isaaniitti akka deebi’an hojjetamaa jiraachuu ibsan.
Rakkinichi akka hin mudannee fi tasgabbiitti akka deebi’amu hojjetamaa jiraachuu kaasan.